البسكويت بالكراميل ؟

باكو بسكويت سادة
90 جرام زبدة سايحة
عبوة لبن مكثّف
نصف كوب شربات
200 جرام شيكولاتة خام مبشورة
150 جرام كريمة لباني
قوالب كيك صغيرة



الطريقة:
1- سخّني الفرن على درجة حرارة متوسّطة.

2- ادهني القوالب الصغيرة بالزبدة.

3- أحضري البسكويت وكسّريه لقطع صغيرة جداً لغاية ما يبقى زي البودرة،
وبعد كده اعجنيه مع نصف مقدار الزبدة اللي عندك لغاية ما يبقى عجينة متماسكة.

4- حطّي العجين في القوالب وافرديه بأطراف صوابعك،
وبعد كده حطي القوالب في الفرن لمدة 8 دقائق أو لغاية لما العجين يبقى لونه ذهبي.

5- في نفس الوقت أحضري اللبن المكثّف والشربات وباقي مقدار الزبدة،
وحطيه في حلة على النار،
وقلّبيهم لغاية لما الزبدة تسيح وبكده تكوني عملتي الكراميل.

6- صبّي الكراميل بالتساوي على البسكويت اللي في القوالب الصغيرة،
ودخّليه الفرن تاني لمدة 10 دقايق؛
وبعد كده طلعيه وسيبيه لغاية لما يبرد.

7- أحضري الشيكولاتة والكريمة اللباني،
وامزجيهم سوا على نار هادية لغاية لما الشيكولاتة تسيح وتمتزج بالكريمة.

8- صبّي الشيكولاتة على البسكويت والكراميل من فوق،
وحطيه في الثلاجة لمدة نصف ساعة.